Listasmiðja fyrir börn með þjóðsagnaþema
Hver kannast ekki við sögur af ægilegum tröllkerlingum og körlum, sem breyttust í steina? Eða furðulegar frásagnir af dýrum? Í þessari spennandi listasmiðju förum við inn í heim þjóðsagna í heimabyggð og gröfum upp allskonar frásagnir sem tengjast Borgarfirðinum, og sjáum hvort að sögurnar breytti ekki hvernig við sjáum umhverfið okkar. Hvað gerist þegar tröll vakna upp úr áralöngum svefni og í fjöllunum spretta upp allskonar leyniandlit?
Smiðjuumsjón er í höndum Vilborgar Bjarkadóttur sem er bæði menntaður myndlistarkennari og þjóðfræðingur.