Skólaslit verða í Grunnskóla Borgarfjarðar þriðjudaginn 8. júní sem hér segir:
Kl. 10:00 Kleppjárnsreykjadeild 1.-7. bekkur í Reykholtskirkju
kl. 10:45 Kleppjárnsreykjadeild 8.-10. bekkur í Reykholtskirkju
kl. 12:00 Varmalandsdeild í Þinghamri
kl. 14:00 Hvanneyrardeild í Skjólbeltunum ef vel viðrar annars í skólanum.
Grunnskólanum í Borgarnesi verður einnig slitið þriðjudaginn 8. júní.
Skólaslit eru tvískipt. Annars vegar eru skólaslit 1. – 9. bekkja og hins vegar brautskráning nemenda 10. bekkjar.
Nemendur 1. – 9. bekkja mæta við skólann kl. 9.00 á þriðjudagsmorgun.
Dagskráin hefst á því að farið verður í skrúðgöngu niður í Skallagrímsgarð. Þar verður nemendum og starfsfólki skipt í hópa fyrir ratleik og á meðan á honum stendur verður öllum boðið upp á grillaða pylsu. Um klukkan 10:30 safnast hóparnir saman í Skallagrímsgarði og árgangar raða sér fyrir framan sviðið. Þar verður stutt dagskrá og að lokum afhending einkunna.
Skólabíll innanbæjar fer úr Sandvík kl. 8:40 og til baka frá íþróttahúsi um kl. 11.00. Eins verður skólaakstur úr dreifbýli í samræmi við tímasetningar.
Um er að ræða 2 klukkustunda útiveru og því er mikilvægt að koma klædd/ur eftir veðri. Veðurspá gerir ráð fyrir mildu veðri en það gæti rignt.
10. bekkur
Brautskráning nemenda 10. bekkjar fer fram í sal skólans og hefst kl. 17.00. Þar mæta nemendur 10. bekkjar og aðstandendur þeirra auk starfsfólks skólans.
