Vortónleikaröð Tónlistaskóla Borgarfjarðar hefst í kvöld. Söngdeildin ríður á vaðið með tónleikum í sal skólans að Borgarbraut 23 og hefjast þeir kl. 20.00. Fimmtudag 10. maí og föstudag 11. maí verða tónleikar í skólanum kl. 18.00. Í næstu viku verða tónleikar í skólanum mánudaginn 14. maí og þriðjudaginn 15. maí kl. 18.00 og miðvikudaginn 16. maí kl. 17:00. Tvennir tónleikar verða í Logalandi í Reykholtsdal. Þeir fyrri verða 14. maí og þeir síðari 16. maí og hefjast þeir kl. 20.30. Í lokin á hverjum tónleikum fá nemendur afhent prófskírteini. Tónleikarnir eru öllum opnir.
