Síðastliðið haust var ákveðið að ganga til samstarfs við markaðsráðgjafafyrirtækið Manhattan við gerð markaðsstefnumótunar fyrir Borgarbyggð. Vinnan hófst í desember síðastliðnum og áætlað er að henni ljúki á vormánuðum 2020.
Verkefnið felst í því að búa til heildstæða markaðsstefnumótun og aðgerðaráætlun fyrir Borgarbyggð sem spennandi stað til að búa á, reka fyrirtæki og sækja heim. Í ferlinu er lögð áhersla á aðkomu og þátttöku íbúa, fyrirtækja og hagsmunaaðila í sveitarfélaginu, meðal annars í gegnum einstaklingsviðtöl, rýnihópa og opna fundi sem verða auglýstir síðar.
Við lok vinnunnar á að liggja fyrir heildstæð markaðsgreining, markaðsleg stefnumótun og markaðs- og aðgerðaráætlun fyrir Borgarbyggð.
