Íbúafundir sem haldnir voru dagana 20. og 21. október um mótun nýrrar þjónustustefnu Borgarbyggðar fóru vel fram. Fundirnir voru haldnir í Lindartungu og í húsnæði Landbúnaðarháskóla Íslands á Hvanneyri og tóku íbúar virkan þátt í málefnalegum og uppbyggilegum umræðum.
Á fundunum gafst íbúum tækifæri til að koma á framfæri sínum hugmyndum, áherslum og framtíðarsýn um þjónustu sveitarfélagsins. Rík samstaða var meðal fundargesta um mikilvægi þess að þjónusta Borgarbyggðar sé bæði skilvirk, aðgengileg og taki mið af fjölbreyttum þörfum íbúa í öllum póstnúmerum sveitarfélagsins.
Íbúar lögðu fram fjölmargar gagnlegar ábendingar og hugmyndir sem nýtast nú við áframhaldandi vinnu við gerð þjónustustefnu Borgarbyggðar.
Borgarbyggð þakkar öllum þeim sem mættu og tóku virkan þátt í samtalinu um framtíðarþjónustu sveitarfélagsins. Niðurstöður fundanna munu mynda mikilvægan grunn að áframhaldandi stefnumótunarvinnu.
Senda má inn frekari athugasemdir á borgarbyggd@borgarbyggd.is til 1. nóvember nk.
Drög af þjónustustefnu Borgarbyggðar
