Umhverfis- og landbúnaðarnefnd veitir árlega viðurkenningar fyrir snyrtilegar og fallegar lóðir og hvetur íbúa til að taka þátt í að gera ásýnd sveitarfélagsins sem besta.
Veittar verða umhverfisviðurkenningar í eftirfarandi fjórum flokkum:
1. Snyrtilegt bændabýli
2. Falleg lóð við íbúðarhús
3. Snyrtileg lóð við atvinnuhúsnæði
4. Samfélagsviðurkenning umhverfis- og landbúnaðarnefndar vegna umhverfismála.
Óskað er eftir tilnefningum í áðurnefndum flokkum og skal senda tilnefningu eigi síðar en 30. september 2024.
