![Featured image for “Snjómokstur í dreifbýli”](https://dev.borgarbyggd.is/wp-content/uploads/2023/09/1670923685_20200118-kj_05786.jpg)
Sveitarstjórn Borgarbyggðar hefur ákveðið að gera breytingar á fyrirkomulagi snjómoksturs í dreifbýli. Markmiðið með breytingunum er að auka þjónustustig í snjómokstri við íbúa í dreifbýli. Sveitarfélaginu verður skipt upp í sjö svæði og gerður samningur við verktaka á grundvelli verðfyrirspurnar um hverja leið. Gerður verður samningur um einn vetur í senn, með möguleika á framlengingu.
Nú hafa verðfyrirspurnargögn verið send í tölvupósti á fjölmarga aðila sem hugsanlega hafa tök á að sinna þessari þjónustu og gert ráð fyrir að búið verði að semja um allar leiðir fyrir áramót.
Hafi einhverjir ekki ratað inn á lista yfir mögulega verktaka, er hægt að óska eftir verðfyrirspurnargögnum með tölvupósti á thjonustuver@borgarbyggd.is