![Featured image for “Opinn dagur hjá Tónlistarskóla Borgarfjarðar 9. nóvember nk.”](https://dev.borgarbyggd.is/wp-content/uploads/2023/09/1667900906_borgarfjordur2020-00555.jpg)
Í tilefni af því að 55 ár eru liðin frá stofnun Tónlistarskóla Borgarfjarðar er skólinn opinn fyrir gesti og gangandi miðvikudaginn 9. nóvember nk. frá kl. 16:00-18:30.
Starfsfólk skólans ætlar að bjóða upp á stofurölt, aðstöðukynningu og kaffispjall með köku.
Kennsla fer fram í nokkrum rýmum þennan dag og hægt að kíkja við og skoða sig um, líta inn í öll rými, rabba við kennara, skoða hljóðfæri, skila framtíðarhugmyndum og fá sér kaffi og köku í salnum og spjalla saman.
Starfsfólk hvetur íbúa til að kíkja við, taka með ættingja og vini og verja með starfsfólki smástund í þakklæti fyrir þessa ríflegu hálfu öld sem skólinn hefur starfað í byggðarlaginu og horfa jafnframt til framtíðar. Framtíðarhugmyndum verður hægt að koma til skila með því að skila miða í hugmyndabox í sal skólans.
Hlökkum til að sjá sem flesta!