Laust er til umsóknar starf matráðs við Grunnskóla Borgarfjarðar, Kleppjárnsreykjadeild tímabundið næsta skólaár. Um er að ræða 100% starf á starfstíma skólans. Í starfinu felst umsjón með mötuneyti fyrir nemendur og starfsfólk skólans. Einkunnarorð skólans eru gleði, heilbrigði, árangur. Skólaumhverfið á að stuðla að andlegri, líkamlegri og félagslegri heilsu og vellíðan nemenda og starfsfólks í samvinnu við heimili og nærsamfélag. Grunnskóli Borgarfjarðar er heilsueflandi grunnskóli og lögð er áhersla á holla næringu í skólanum.
Helstu verkefni:
- Elda og framreiða morgunverð, hádegisverð og ávaxtastundir fyrir nemendur og starfsfólk.
- Sjá um innkaup og samskipti við birgja
- Umsjón með rekstri mötuneytisins
- Frágangur og þrif auk annarra tilfallandi verkefna
Hæfniskröfur:
- Góð þekking á næringarfræði og hollustufæði
- Hreinlæti og snyrtimennska skilyrði
- Frumkvæði og sveigjanleiki
- Lipurð og færni í samskiptum
- Reynsla af sambærilegu starfi
Í samræmi við jafnréttisstefnu Borgarbyggðar hvetur sveitarfélagið karla jafnt sem konur til þess að sækja um starfið. Laun og starfskjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.
Upplýsingar um starfið veitir Ingibjörg Adda Konráðsdóttir deildarstjóri Kleppjárnsreykjadeildar í síma 840 1520 eða á ingibjorg.adda.konradsdottir@gbf.is
Umsóknarfrestur er til 17. maí 2019 og eru umsækjendur beðnir um að senda umsóknir á Helgu Jensínu Svavarsdóttur skólastjóra helga.jensina.svavarsdottir@gbf.is
