![](https://borgarbyggd.is/images/Mynd_0789053.jpg)
Nýlega var undirritaður samningur á milli Borgarbyggðar og Kvenfélags Þverárhlíðar um að kvenfélagið taki yfir rekstur samkomuhússins við Þverárrétt. Kvenfélagið hefur um árbil tekið verulegan þátt í rekstri hússins, auk þess sem þær hafa staðið fyrir ýmsum viðburðum í húsinu. Kvenfélagið hefur í hyggju að auka nýtingu hússins ennfrekar bæði hvað varðar ferðaþjónustu og hefðbundna starfsemi.
![](https://borgarbyggd.is/images/Mynd_0789054.jpg)
Þessi samningur er tilraunaverkefni og ef reynslan af samningi reynist góð er ekki óliklegt að farið verði sömu leið með rekstur nokkura annara félagsheimila í eigu Borgarbyggðar. Upplýsingar um leigu á húsinu og starfsemi þar veitir Laufey Valsteinsdóttir í síma 435 1346, netfang:
kviar@vesturland.is
Á meðfylgjandi mynd sem tekin var við undirritun samningsins eru þau Páll Brynjarsson sveitarstjóri og Sæunn Oddsdóttir og Laufey Valsteinsdóttir frá Kvenfélagi Þverárhlíðar.