![Featured image for “Kortasjáin– upplýsingar”](https://dev.borgarbyggd.is/wp-content/uploads/2023/09/1573827251_ur-einkunnum-hma.jpg)
Borgarbyggð vill vekja athygli á að ýmsar upplýsingar má nálgast á Kortasjá Borgarbyggðar, vefur sem rekinn er af Loftmyndum ehf.
Teikningar af flestum mannvirkjum í Borgarbyggð eru aðgengilegar á Kortasjánni, en allar stimplaðar teikningar hjá byggingarfulltrúa eru skannaðar inn á vefinn. Auk þess má nálgast skipulagsuppdrætti, upplýsingar um jarðamörk, veitur og fleira á Kortasjánni.
Loftmyndir á vefsíðunni eru uppfærðar reglulega.
Ráðlegt er að hafa samband við starfsfólk á umhverfis- og skipulagssviði til að kanna gildi þeirra gagna sem eru á netinu, leiki á því einhver vafi.
Athugið að oft eru fáar eða jafnvel engar teikningar til af eldri byggingum.
Leiðbeiningar til að leita að teikningum:
- Sláðu inn heimilisfangið
- Hakaðu við „teikningar af byggingum“
- Smelltu á rauða depilinn eða „skoða teikningar“
Þá ætti að birtast listi af þeim teikningum sem skráðar eru á viðkomandi fasteign.
Slóð á vefinn: https://www.map.is/borgarbyggd/