![Featured image for “Jólaandinn sveif yfir Grunnskóla Borgarfjarðar á Kleppjárnsreykjum í síðustu viku”](https://dev.borgarbyggd.is/wp-content/uploads/2023/09/helgileikur.jpg)
Skólastarfið ber þess ótvíræð merki að jólin eru að ganga í garð.
Búið er að skreyta í öllum deildum með ljósum og jólatrjám sem nemendur sóttu samkvæmt ríkjandi hefð. Helgileikurinn var að venju sýndur í Hvanneyrarkirkju af nemendum Hvanneyrardeildar með sínum fasta hátíðleik. Þá voru litlu jólin haldin í hverri bekkjardeild og nemendur borðuðu saman hátíðarmat síðasta skóladaginn fyrir jólaleyfi. Einnig hafa nemendur GBF sem stunda nám í Tónlistarskóla Borgarfjarðar haldið tónfund fyrir samnemendur sína og þar voru jólalögin spiluð og sungin.