Innheimta – spörum pappírinn!

Eftir áramót mun Borgarbyggð hætta að senda út reikninga á pappír vegna skóla- og mötuneytisgjalda.

Hægt er að skoða alla reikninga í ÍBÚAGÁTTINNI á heimasíðu Borgarbyggðar en það er þjónustusíða sem veitir viðskiptavinum sveitarfélagsins aðgang að viðskiptareikningum sínum.

Hægt er að sjá yfirlit yfir viðskipti sem viðkomandi á við sveitarfélagið s.s. fasteignagjöld, leikskólagjöld, fæðisgjöld, byggingarleyfisgjöld, leyfisgjöld vegna gæludýra og fleira.

Þar er hægt er að prenta út reikninga og hreyfingarlista.

Á sama stað er einnig hægt að fletta upp álagningu fasteignagjalda.

Á forsíðu heimasíðunnar er hnappur (island.is) sem vísar á þessa síðu og þá birtist opinber aðgangssíða frá Island.is. Til að fá aðgang þarf annað hvort að nota rafræn skilríki eða Íslykil sem hægt er að panta skv. leiðbeiningum á síðunni.

Þegar innskráningu er lokið birtist viðskiptasíða viðskiptamannsins hjá Borgarbyggð.

Þeir sem kjósa að fá reikninga áfram í bréfpósti eru beðnir að hafa samband við innheimtufulltrúa Borgarbyggðar í síma 433-7100 eða á netfangið disa@borgarbyggd.is