Alternance í samstarfi við Borgarbyggð boðar til íbúafundar þriðjudaginn 16. maí nk. kl. 16:30 í Hjálmakletti.
Kynnt verður rannsókn á gamla bænum í Borgarnesi og rætt um verkefnið Sögutorgin sem felur í sér forhönnun á svæðinu frá Skallagrímsgarði að Brákarsundi í samvinnu við íbúa og aðra hagsmunaaðila.
Í upphafi fundar verður kynning á verkefninu en síðan verður fundargestum skipt niður í hópa og farið í markvissa hópavinnu.
Samstarfsaðilar hvetja íbúa til þess að mæta, kynna sér verkefnið og gefa álit.
Um þessar mundir er verið að útbúa heimasíðu fyrir verkefnið en slóðin verður www.sogutorgin.is.
