Margir gæludýraeigendur mættu ekki á þá fjóra staði sem boðið var upp á ormahreinsun fyrir stuttu. Sjá hér gamla auglýsingu.
Það er lögbundin skylda að láta ormahreinsa dýr sín og því verður boðið upp á auka hreinsunardag næstkomandi mánudag þann 9. desember kl. 17:00 – 18:30 í slökkvistöðinni við Sólbakka.
Margrét Katrín Guðnadóttir mun annast hreinsunina.
Þeir gæludýraeigendur sem geta ekki heldur nýtt sér þetta tækifæri eru beðnir um að fara með dýr sín til dýralæknis og í framhaldinu skila inn á skrifstofu ráðhúss Borgarbyggðar vottorði um að dýr þeirra hafi verið ormahreinsuð á árinu 2013.
