Stjórn körfuknattleiksdeildar Skallagríms hefur boðað til fundar fimmtudaginn 7. október kl. 20:00 í Grunnskólanum í Borgarnesi. Tilefni fundarins er sá að það vantar liðsauka í sjálfboðaliðastarf félagsins og fjáröflun blasir við til þess að halda lið Skallagríms í keppni.
Stjórnin telur mikilvægt að leita allra leiða til þess að koma í veg fyrir úrsögn úr keppni og boðar því til fundar með íbúum og stuðningsfólki sem vilja aðstoða.
Borgarbyggð hvetur alla sem hafa tök á, að mæta á fundinn og taka þátt í þessu mikilvæga starfi.
