Brautskráning nýstúdenta fór fram í hátíðarsal skólans laugardaginn 5. júní. Það voru 22 nýstúdentar sem voru brautskráðir. Þetta var söguleg stund því þetta er fyrsti hópurinn sem er brautskráður eftir þriggja ára nám við skólann. Ársæll skólameistari setti athöfnina og bauð gesti velkomna. Kynnir við athöfnina var Ingibjörg Ingadóttir kennari við skólann. Lilja S. Ólafsdóttir aðstoðarskólameistari flutti annál skólaársins. Næst flutti Guðfinna Péturstóttir nýstúdent tónlistaratriði sem hún tileinkaði stúdentahópnum. Gestaávarp í ár flutti frú Vigdís Finnbogadóttir fyrrverandi forseti lýðveldisins. Þá var komið að stóru stundinni, brautskráningunni. Það var var Ársæll Guðmundsson skólameistari sem afhenti nýstúdentum brautskráningarskírteinin sín og viðurkenningar. Það var Aðalsteinn Hugi Gíslason sem flutti ávarp nýstúdenta í ár. Tveir nýstúdentar fluttu tónlistaratriði, það voru þau Katerina Inga Antonsdóttir sem flutti söngatriði við undirlek Eggerts Arnars Sigurssonar. Ársæll Guðmundsson skólameistari flutti ávarp til nýstúdenta. Athöfninni lauk svo með samsöng. Eftir athöfnina var myndataka í austurgarði og boðið upp á kaffi og konfekt.
(af vef MB)
