Pakki með ýmsum nauðsynjavörum hefur um nokkuð skeið verið afhentur foreldrum nýfæddra barna í Borgarbyggð innan þriggja mánaða frá fæðingu þeirra. Markmiðið með afhendingu Barnapakkans er að bjóða nýfædda einstaklinga velkomna í sveitarfélagið en til gamans má nefna að 35 börn fengu pakka á síðasta ári.
Allnokkur fyrirtæki taka þátt í þessu verkefni í samstarfi við Borgarbyggð, þau eru eftirfarandi:
- Aldan, sem leggur til þvottastykki, taubleyju og pokann utan um Barnapakkann.
- Kvenfélagið, sem leggur til húfur.
- Lyfja, sem leggur til stútkönnu með snuði.
- Kaupfélag Borgfirðinga, sem leggur til vandaðan ullargalla
- Vinnustofan í Brákarhlíð , sem prjóna þvottastykki til að setja í pakkann.
- Nettó, sem gefur bleyjur, blautþurrkur, snuð, mat og ýmislegt annað sem gagnast bæði móður og barni.
Aldan, verndaður vinnustaður í Borgarbyggð annast utanumhald á þessu verkefni í samstarfi við starfsfólk ungbarnaeftirlits Heilbrigðisstofnunar Vesturlands í Borgarnesi.
