![Featured image for “Bleiki dagurinn 2022 – 14. október”](https://dev.borgarbyggd.is/wp-content/uploads/2023/09/305627581_8208338265842876_4073783379528970608_n.jpg)
Októbermánuður er tileinkaður fjáröflunar- og árvekniátaki Krabbameinsfélagsins. Hápunktur verkefnisins er Bleiki dagurinn sem er að þessu sinni 14. október nk. Á Bleika deginum eru landsmenn hvattir til að bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu.
Borgarbyggð hvetur íbúa til að taka virkan þátt í Bleika deginum á morgun með því að kaupa bleiku slaufuna, klæðast bleiku og umvefja allt í bleikum lit.