Verkefnið Geimskipið á rætur sínar að rekja til námskeiðs um sjálfbærni á Menntavísindasviði Háskóla Íslands og byggir á því að nemendur vinna saman í hópum með það markmið að búa til stórt geimfar fyrir 100 manneskjur sem fara í fordæmalaus ferð um himingeiminn í 6.000 ár. Kveikjan að verkefninu kemur frá sænskum kennara, Wolfgang Brunner.
Nemendur í tíunda bekk hjá Hildi Hallkelsdóttur í Grunnskólanum í Borgarnesi fengu að spreyta sig á þessu verkefni fyrr í mánuðinum og útkoman var vægast sagt áhugaverð og hefur vakið athygli í skólasamfélaginu á landinu.
Spurningarnar sem nemendur fengu voru eftirfarandi:
- Hvernig ætlið þið að búa til fæðu?
- Hvað verður um rusl og úrgang?
- Hvernig á að sjá fyrir andrúmslofti? Hvernig haldið þið loftinu hreinu? Útskýrið nákvæmlega.
- Hvernig á að sjá fyrir vatnsþörfum? Hvernig haldið þið vatninu hreinu? Útskýrið nákvæmlega.
- Hvað gera þessir 100 manns?
- Hvað gerist ef upp kemur ágreiningur, eða jafnvel stríð?
- Hvernig eru húsin? Hvaðan kemur efnið í húsin?
- Eru dýr? Plöntur? Hvar? Hvernig?
- Hvaðan koma föt, húsgögn og diskar?
- Hvað gerið þið ef það verður of margt fólk í skipinu?
Afrakstur verkefnisins má sjá hér fyrir neðan.
