![Featured image for “Steinasafn Þórdísar í Höfn”](https://dev.borgarbyggd.is/wp-content/uploads/2023/09/img_8968.jpg)
Steinasafn Þórdísar í Höfn – Safnahús Borgarfjarðar
Sá mikilvægi áfangi náðist í Safnahúsi nú í maílok að lokið var við að greina, mynda og skrá steinasafn Náttúrugripasafns Borgarfjarðar auk þess sem búið var um gripina upp á nýtt og þeim komið í góðar geymslur. Þess má geta að þar með er Náttúrugripasafn Borgarfjarðar fyrsta safn sinnar tegundar sem skráir safnkost sinn í Sarp. Greiningu steinasafnsins annaðist Unnur Þorsteinsdóttir meistaranemi í jarðfræði en einnig komu Bryndís Ýr Gísladóttir og Rob Askew að verkinu. Ljósmyndun, skráning og frágangur var í höndum Halldórs Óla Gunnarssonar. Verkefnið var stutt af Uppbyggingarsjóði Vesturlands og Safnaráði Íslands. Stærsti hluti safnsins er steinasafn sem Þórdís Jónsdóttir, Höfn í Borgarfirði eystra gaf náttúrugripasafninu árið 1983. Má nú sjá safn Þórdísar á www.sarpur.is með því að smella hér.
Nánar um safnið á heimasíðu Safnahúss Borgarfjarðar.