Safnahúsið og Tónlistarskólinn bjóða í sameinigu til tónleika þriðjudaginn 13. nóvember. Nokkrir nemendur Tónlistarskólans flytja frumsamið efni byggt á þulum eftir borgfirskt ljóðskáld og börn úr 5. bekkjum grunnskóla í Borgarfirði og nágrenni sýna ljóð sem þau hafa samið á undanförnum vikum undir leiðsögn kennara. Verkefnið er unnið með aðstoð Árnastofnunar.
Dagskráin er haldin í tengslum við Dag íslenskrar tungu. Tónleikarnir verða í salnum á neðri hæð Safnahúss að Bjarnarbraut 4-6 og hefjast kl. 18.00. Þeir standa í um hálfa klukkustund, svo verður ljóðasýningin opnuð á efri hæðinni. Kaffiveitingar í lok dagskrár. Sjá frétt Safnahússins hér.
