Veðurklúbburinn á Dalbæ á Dalvík hefur sent frá sér spá fyrir október. Í tilkynningu frá klúbbnum sem birt er á Vikudegi segir:„Gert er ráð fyrir að mánuðrinn verði frekar hlýr þó komið geti ein og ein rumba í mánuðinum. Ástæða fyrir þessari spá er m.a. að októbertungl kviknar 5. þessa mánaðar kl. 00:35 í há norðri. Liðna mánuði hefur vindur oftar ekki staðið í þá átt sem tungl kviknar í í mánuðinum. Einnig styður skýjafar þessar veðurvæntingar. Margt annað styður þessa spádóma svo sem draumar og önnur atriði sem ekki verður upplýst frekar um.
Ekki er reiknað með mikilli snjókomu í október þannig að til vandræða horfi.
Til lengri tíma reikna fundarmenn með frekar góðri tíð fram að jólum, en munu að sjálfsögðu spá nánar fyrir um það þegar nær dregur.“
