Í tilefni aldarafmælis Leikfimihússins á Hvanneyri verður dagskrá í húsinu sunnudaginn 25. september er hefst kl. 15.00. Þar munu nemendur Grunnskóla Borgarfjarðar á Hvanneyri sýna skólaíþróttir, og þjóðdansahópurinn Sporið sýna þjóðlega dansa. Hvort tveggja er til þess að minna á mikilvægt hlutverk Leikfimihússins allt frá fyrstu dögum þess. Í frásögn verður stiklað á stóru í aldarsögu Leikfimihússins. Til sýnis verða ljósmyndir frá ýmsum tímum er tengjast störfum og leik í Leikfimihúsinu. Í ár er ein öld liðin síðan Leikfimihúsið á Hvanneyri var reist.
Þá var mjög vaxandi áhugi fyrir leikfimikennslu og líkamsmennt. Félagsstarf í anda lýðháskólahreyfingarinnar krafðist einnig húsrýmis en hvort tveggja lá að baki byggingu Leikfimihússins. Húsið er enn í notkun sem íþróttahús, bæði til kennslu og annarrar líkamsmenntar, og er eitt það elsta á landinu sem enn gegnir frumhlutverki sínu.
Gert er ráð fyrir að dagskráin standi í rúman klukkutíma. Landbúnaðarháskóli Íslands mun að henni lokinni bjóða gestum upp á létta síðdegishressingu í Skemmunni. Öllum er velkomið að fylgjast með dagskránni á meðan húsrúm leyfir.
Það er áhugahópur Hvanneyringa sem fyrir dagskránni stendur. Bakhjarlar hans eru Landbúnaðarháskóli Íslands, Ungmennafélagið Íslendingur og Grunnskóli Borgarfjarðar – Hvanneyrardeild.
Gert er ráð fyrir að dagskráin standi í rúman klukkutíma. Landbúnaðarháskóli Íslands mun að henni lokinni bjóða gestum upp á létta síðdegishressingu í Skemmunni. Öllum er velkomið að fylgjast með dagskránni á meðan húsrúm leyfir.
Það er áhugahópur Hvanneyringa sem fyrir dagskránni stendur. Bakhjarlar hans eru Landbúnaðarháskóli Íslands, Ungmennafélagið Íslendingur og Grunnskóli Borgarfjarðar – Hvanneyrardeild.
(af vef LbhÍ)
