Íbúafundur um skipulagsmál og kynning á uppbyggingu í sveitarfélaginu
Borgarbyggð boðar til íbúafundar miðvikudaginn 11. febrúar næstkomandi. Fundurinn verður haldinn í Hjálmakletti, Borgarbraut 54 í Borgarnesi og hefst kl. 20:00.
Á fundinum verður m.a. rætt um aðalskipulag Borgarbyggðar 2010-2022 og könnuð afstaða íbúa sveitarfélagsins til breytinga á því.
Sagt verður frá uppbyggingu og ýmsum framkvæmdum sem eru í gangi eða eru fyrirhugaðar í sveitarfélaginu og munu fulltrúar ísganga í Langjökli kynna stöðu framkvæmda við þau.
Einnig verður deiliskipulag fyrir ísgöngin í Langjökli kynnt og samsvarandi breyting á aðalskipulagi Borgarbyggðar 2010-2022.
Í lok fundar verða umræður og fyrirspurnir og kaffi á könnunni.
Jökull Helgason
Forstöðumaður umhverfis- og skipulagssviðs
Borgarbyggðar
