Hraunsás III – Auglýsing um niðurstöðu sveitarstjórnar Borgarbyggðar vegna skipulags

Sveitarstjórn Borgarbyggðar samþykkti þann 12.06.2025 eftirfarandi tillögu samkvæmt 32. gr. skipulagslaga nr. 123/2010:

· Aðalskipulag Borgarbyggðar 2010-2022, Hraunsás III í Borgarbyggð.

Aðalskipulag Borgarbyggðar 2010-2022

Breytingin tekur til landnotkunar á 19 ha svæði í landi Hraunsáss III þar sem svæðið er skilgreint sem verslunar- og þjónustusvæði úr landbúnaðarsvæði.

Tillaga að breytingu á Aðalskipulagi Borgarbyggðar 2010-2022 var auglýst frá 06.03.2025-19.04.2025.

Athugasemdir bárust frá hagsmunaaðilum og var þeim svarað. Svör við athugasemdum verða aðgengileg í skipulagsgátt.

Aðalskipulagsbreytingin hefur verið send Skipulagsstofnun sem sér um lokaafgreiðslu erindisins.

Þeir sem óska nánari upplýsinga um tillöguna og niðurstöðu sveitarstjórnar geta snúið sér til umhverfis- og skipulagssviðs Borgarbyggðar, Digranesgötu 2, Borgarnesi.

Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.

Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.